Ardaloedd Infertebratau Pwysig

Mae Prydain Fawr yn gartref i dros 40,000 o rywogaethau o infertebratau. Maent yn hanfodol ar gyfer ein bywydau, ac yn sail ar gyfer y gwasanaethau ecosystem sy’n darparu bwyd inni, priddoedd ffrwythlon a dŵr glân, a’r cynefinoedd llawn bywyd gwyllt yr ydym i gyd yn eu mwynhau. Fodd bynnag, mae llawer o infertebratau’n dirywio, gan ei gwneud yn bwysicach nag erioed i alluogi poblogaethau cynaliadwy o infertebratau ac atal eu difodiant. Er mwyn sicrhau dyfodol gwell ar gyfer ein poblogaethau o infertebratau, mae’n hanfodol inni wybod ble mae ein rhywogaethau a’u casgliadau sydd o dan fwyaf o fygythiad yn byw. Rydym angen Ardaloedd Infertebratau Pwysig.

Mae dros 100 o AIP yng Nghymru, Lloegr a’r Alban, o’r Ynys Wair fechan a Phen y Gogarth, i dirweddau adnabyddus eang fel Eryri, y Twyni Deheuol yn Ne Lloegr, a’r Cairngorms yn Yr Alban. Maent i gyd yn gartrefi i rywogaethau neu gasgliadau o rywogaethau arbennig. Maent yn haeddu cael eu gwarchod a’u rheoli yn y ffordd gywir er mwyn caniatáu i’w cyfoeth o fywyd gwyllt oroesi a ffynnu.

Beth am archwilio’r map AIP isod i weld pa AIP sy’n agos atoch chi? Bydd chwyddo’r map yn arddangos pob AIP yr ydym wedi’u mapio’n fanwl eisoes. Trwy glicio ar AIP gallwch lawrlwytho’r map a phroffil yr AIP fydd yn dweud mwy wrthych am ei rhywogaethau, ei chynefinoedd a’i bygythiadau, os yw’r ddogfen wedi’i chwblhau eisoes. (Sylwer: os ydych yn dal i weld sgwariau, yna mae manylion manaf yr AIP yn dal i’w mapio.)

Hyd yma, rydym wedi mapio 60 o’n AIP yn fanwl, ac mae proffiliau newydd yn cael eu lanlwytho’n rheolaidd. Dros y blynyddoedd nesaf bydd rhwydwaith cyflawn o fapiau a phroffiliau ar gael, felly cofiwch alw’n ôl am ddiweddariadau’n rheolaidd.

(Oherwydd swm y data sydd wedi’i gynnwys yn y map gall gymryd peth amser i lwytho’n iawn, byddwch yn amyneddgar gydag unrhyw oedi)